На мінулых выходных прайшоў чарговы фэст “ЗА ядраную Беларусь”. Гэтым разам канцэрт прагрымеў у Чашніках. На адной пляцоўцы сабраліся лепшыя прадстаўнікі айчыннай эстрады і рок-сцэны. Мэта канцэрту была высакародная: усе грошы з білетаў пайшлі на набыцьцё марлевых павязак (што, дарэчы, распаўсюджваюцца праз газету “Мірны атам”!) для спецыяльнага атрада МНС на Астравецкай АЭС.
Read more…

Наш зямляк, Пятро Ялфімаў, на колькі вы ўжо ведаеце, не толькі не перамог на Еўрабачаньні, але нават не прайшоў у паўфінал. Музычны аглядальнік “Мірнага атаму” Кім Астраўцоў разважае над магчымымі прычынамі паразы беларускага канкурсанта.

Рэдакцыя “Мірнага атаму” адправіла мяне ў Маскву на міжнародны конкурс песьні “Еўрабачаньне”. Я зрабіў сабе бутэрброды з салам, паклаў у торбу пляшку малака, цыбульку і колькі адварной бульбы, сеў на цягнік і паехаў у Маскву.

Але ж да златаглавай мне даехаць ня выпала. Правадніца ссадзіла вашага пакорнага слугу дзесьці ў раёне Жлобіна. Ну што ж, журналіст, які ня выканаў заказу сваёй рэдакцыі – дрэнны журналіст. На шчасьце, я завітаў у бліжэйшы бар, дзе па тэлевізары “Віцязь” перадавалі Еўрабачаньне ў прамым эфіры.

Версія першая

У бары я выпадкова сустрэў Кіркорава. Піліп Бядросавіч падсеў да мяне, замовіў сотачку первача і сказаў:

– Да-а-а-а-а, не пашанцавала вашаму…

– А з-за чаго, як вы мяркуеце? – спытаў я.

– Уся справа ў штанцах.

– У штанцах?!

– Зразумела ж, у штанцах. Гэта і дурню заўважна.

Піліп Бядросавіч махнуў сотку й замовіў яшчэ.

– Во! Заўважыў? – ускрычаў Кіркораў і тыцнуў пальцам на экран “Віцязя”. – Заўважыў?! Успышка! Там была ўспышка. На 43-яй сякундзе! Гэта ўсё штанцы ягоныя…

– Чакайце. Але ж пры чым тут штанцы, успышка і параза Пятра?

з каго зроблены штанцы Пятра?

– Штанцы-та скураныя. Зробленыя са скуры лася. Ты-та мне можаш давяраць: я ўсю маладосьць такімі штанцамі гандляваў на Ізмайлаўскім. І ведаю, з чаго іх робяць. Іх робяць з ласёў. А дзе ж цяпер ласёў дастаць? Толькі на Чарнобылі. Радыяцыя, фаняць штанцы ў вашага Пятро. Вось і ўспышкі. Ад гэтага і праблемы з праектарам. Праз гэта і прайграў Ялфімаў. Во як! У радыяцыі ўся справа.

Версія другая

Пасьля дзявятай сотачкі первача я вырашыў закурыць. Зацягваючыся “Прымай” я пракручваў у галаве песьню Пятра Ялфімава, шукаючы прычыны яго пройгрыша:

Ол май лайф ай вэйтыд
Сынкін ай вуд нева флай
Зэн ю лукд энд соў май вінгс
Віз ё айс зэн нэва лай

“Лай – флай… Нейкая странная рыфма,” – думаў я. Нейкая яна… наркаманская. Я ўзгадаў, як на 21-ай сякундзе выступу Пятра запрацавала дым-машынка. “Ня ладная справа,” – падумаў я. Навошта Пятру дым?

Ялфімава раскурылі?

На дзясятай сотачцы первача мяне аСІНІла: гэты ж, як яго… галаўны ў нашай дэлегацыі, які з вусамі… ён яшчэ з Ялфімавым увесь час сварыўся… Кажуць, што па маладосьці гэты чалавек гандляваў травой! Вось хто падставіў Пятра. Замест дыму ён запусьціў на сцэну марыхуанавы шмурдзяк, вось наш выступовец і акасеў, залажаў тэкст песьні.

Версія трэцяя

Назіраючы на выступам Пятра Ялфімава мяне ўвесь час не пакідала нейкае загадкавае адчуваньне. Адчуваньне нейкай штучнасьці, ненатуральнасьці й глябальнага падману… “Што ж тут ня так?” гэтае пытаньне не пакідала маю галаву.

І толькі сёньня ноччу мяне быццам тазікам па галаве ўдарыла здагадка. Я падскочыў з ложку і ўключыў свой магнітафон, каб перагледзець у соты раз выступ Пятра. Я ўставіў у магнітафон бабіну з запісам і націснуў на плэй. Так, мая здагадка, верагодна, і ёсьць сапраўдная прычына паразы нашай страны на Еўрабачаньні. Я згадаў усе гэтыя скандалы і сваркі паміж Ялфімавым і Юзэфовічам наконт відэа-праекцый і эфектаў, наконт “я асобна, а нумар асобна”. Той Ялфімаў, які стаяў з мікрафонам і быццам бы сьпяваў, насамрэч ніякі не Ялфімаў. Гэта праекцыя. Галаграма. А сапраўдны Ялфімаў быў схаваны за скацерцю. Гэта і быў сапраўдны Ялфімаў. Хутчэй за ўсё, Ялфімаў за колькі дзён да свайго выступу распрацаваў новы нумар, але ж не пасьпеў распавесьці пра сваю задумку. Нумар, па маіх здагадках, распрацоўваў сам Гігер, мастак, які распрацоўваў чужых. Я патэлефанаваў творцу.

над шоў-праграмай пятра ялфімава працаваў сам Гігер (крэатыўны бацька "чужых")

– Прывітаньне, Гігер, – сказаў я ў слухаўку.

– Прывітаньне, Кім, – адказаў мне Гігер.

– Як справы? Што робішь? – пачаў я здалёк.

І тут Гігер расплакаўся.

– Мы прайгралі… – чуў я праз усхліпы мастака. Раптам сувязь перарвалася, а перазваніць Гігеру не хапіла грошай.

Тым не меньш, лічу гэтую версію найбольш верагоднай.

А што лічыце вы, паважаныя чытачы?

Астаўляйце свае версіі паразы Пятра Ялфімава ў каментарыях да гэтага артыкула, і мы возьмем іх у распрацоўку.

Заўсёды ваш, музычны аглядальнік “Мірнага Атама” Кім Астраўцоў

Кім Астраўцоў, музычны аглядальнік "Мірнага Атама"

На мінулых выходных у Драгічыне прайшоў чарговы канцэрт у межах туру “ЗА ядраную Беларусь”. Карэспандэнт “Мірнага Атаму” папрысутнічаў на ім, і стаў сьведкам неверагоднага – сярод гледачоў быў заўважаны сам Мілошавіч! Па словах Кіма Астраўцова, чалавек падобны да Слабадана Мілошавіча быў апрануты ў нацыянальны дзявочы строй. Таварыш усіх беларусаў кружляў у карагодзе разам з заслужаным калектывам “Харошкі” ды ўслых чытаў усім вядомы верш Зьмітра Вішнёва пра бегемоціка Пашу… Нягледзячы на наяўнасьць фотаздымку, які пасьпеў зрабіць карэспандэнт “Мірнага Атаму”, прэс-цэнтар акцыі “ЗА ядраную Беларусь” аправерг сэнсацыйную інфармацыю…
Read more…

На мінулым тыдзьні распачалася маштабная акцыя “ЗА ядраную Беларусь”. У межах акцыі плануецца правесьці сэрыю фэстываляў у розных кутках нашай неабдымнай Радзімы. Галя-канцэрт адбудзецца ў Астраўцы. Першы канцэрт прайшоў дзьнямі ў мястэчку Трацілава.
Read more…