Курт жыве на Беларусі, Курт ляжыць на круглым пузе
На мінулых выходных у Драгічыне прайшоў чарговы канцэрт у межах туру “ЗА ядраную Беларусь”. Карэспандэнт “Мірнага Атаму” папрысутнічаў на ім, і стаў сьведкам неверагоднага – сярод гледачоў быў заўважаны сам Мілошавіч! Па словах Кіма Астраўцова, чалавек падобны да Слабадана Мілошавіча быў апрануты ў нацыянальны дзявочы строй. Таварыш усіх беларусаў кружляў у карагодзе разам з заслужаным калектывам “Харошкі” ды ўслых чытаў усім вядомы верш Зьмітра Вішнёва пра бегемоціка Пашу… Нягледзячы на наяўнасьць фотаздымку, які пасьпеў зрабіць карэспандэнт “Мірнага Атаму”, прэс-цэнтар акцыі “ЗА ядраную Беларусь” аправерг сэнсацыйную інфармацыю…
Канцэрт распачаў выступ электра-індастрыял гурта “Верасы”. Заўжды маладая пара слупоў айчыннай індустрыяльнай сцэны выйшла да сваіх палескіх паклоньнікаў у SM-гарнітурах, на шыях боўталіся плястмасавыя АКМы, твары размаляваны ў стылістыцы Kiss.
Чалавек падобны да Слабадана Мілошавіча быў апрануты ў нацыянальны дзявочы строй
Сваю праграмму гурт адкрыў старым але ж і да сёньня актуальным гітом “Белы сьнег, белы цень”. На другім прыпеве я пачыў, быццам знаёмы голас бубніць “Ён жыве на Беларусі, ён ляжыць на круглым пузе…”. Дзесьці я ўжо чуў гэты голас. Здаецца, год дзесяць ці пятнаццаць таму, калі ўдзельнічаў у прэс-туры па Югаславіі. Я азірнуўся, і пабачыў Слабадана Мілошавіча! Толькі я пасьпеў зрабіць фотаздымак Слабадана, як ён, заўважыўшы мяне, зьнік.
Пасьля “Верасоў” выступалі Аляксандар і Канстанціна. Канстанціна зацягнула старадаўнія песьні-заклёны пад аляксандраву электрабалалайку. Потым сьпявалі Дарафеева, Ракетнікава і іншыя.
Напрыканцы канцэрта на сцэну выйшаў хэдлайнер імпрэзы Курт Кабэйн. Драгічанам ён прадставіў сваю новую праграмму. Музыка граў на цымбалах і сьпяваў :
“Оў
Пік мі, пік мі аэс
Ліў элоўн, лоўн сінгал”.
Выступ Курта Кабэйна доўжыўся роўна гадзіну. Завяршыў свой выступ Кабэйн песьняй “Ай стэндынг ін ё лайн. Ай ду хоўп ю хэў зэ тайм / Ай ду пік э намба ту. Ай ду кіп Аэс віз ю”.
Пасьля канцэрту мне ўдалося злавіць выступоўцу і задаць яму пытаньне.
– Курт, ці спадабалася цябе Беларусь?
– Я жыву тут ужо 15 год. Разумеешь, уся гэта слава, журналісты, папарацы, гастрольныя графікі, наркотыкі… Мне ўсё гэта так абрыдла. У 1994 годзе я вырашыў зьбегчы ад усяго гэтага. Беларусь мне падалася найлепшым месцам, дзе можна перавесьці дух. Я жыў на Палесьсі, вывучаў вашу мову, вучыўся граць на вашых інструментах. І сёньня я разумею, што зрабіў слушны выбар.
Заўсёды ваш, музычны аглядальнік “Мірнага Атама” Кім Астраўцоў
Кім Астраўцоў, музычны аглядальнік "Мірнага Атама"
Загрузка ...